အလုပ်မှာ မပျော်ရွှင်ရခြင်း အကြောင်း ၅ ချက်
လူတိုင်း လူတိုင်း အလုပ်မှာ ပျော်ရွှင်ဖို့က အရေးကြီးပါတယ်။ အလုပ်မှာ ပျော်ရွှင်မှသာ မိမိရော မိမိ၏ လုပ်ငန်းအတွက်ပါ တိုးတက်စေမှာ ဖြစ်ပါတယ်။ တကယ်လို့ အလုပ်မှာ မပျော်ရွှင်ရတာဟာ ဒီအချက်များကြောင့် ဖြစ်ပါတယ်။
၁) မိမိ အတ္တ မာနကြောင့်
မိမိဟာ အတ္တ မာနတွေထားပြီး အလုပ်မှာ နေမယ်ဆိုရင် အလုပ်မှာ ရှိတဲ့ သူငယ်ချင်းတွေနဲ့ ပေါင်းသင်းလို့ မရတော့ပါဘူး။ ဒါကြောင့် အားလုံးက မိမိကို ဘေးဖယ်ထားပြီး မိမိတစ်ယောက်တည်း စိတ်ဆင်းရဲစွာ ဖြစ်နေပါလိမ့်မယ်။
၂) တစ်ပါးသူ၏ ခံစားချက်ကို နားမလည်ခြင်း
လုပ်ငန်းခွင်ဆိုတာ တစ်ဦးတည်း တစ်ယောက်တည်း လုပ်ရတဲ့ နေရာမဟုတ်ပါဘူး။ လုပ်ငန်းခွင်ဆိုတာ လူအဖွဲ့အစည်းတွေနဲ့ လုပ်ရတဲ့ နေရာပါ။ ဒါကြောင့်
အခြားသူတွေနဲ့ အဆင်ပြေအောင် နေဖို့က အရေးကြီးပါတယ်။ တစ်ခြားသူတွေနဲ့ အဆင်ပြေဖို့ အတွက် အခြားသူ၏ ခံစားချက်ကို နားလည်ဖို့ လိုအပ်ပါတယ်။
၃) မနိုင်ဝန် ထမ်းဆောင်နေရခြင်း
မိမိဟာ မိမိနိုင်တဲ့ ဝန်ထက် ပိုလေးတဲ့ တာဝန်များကို ထမ်းဆောင်နေရတယ်ဆိုရင် အလုပ်မှ မပျော်ရွှင်နိုင်ပါဘူး။ နေ့စဉ် ရောက်ရှိလာတဲ့ ဖိစီးမူတွေက အလုပ်မှာ မပျော်ရွှင်လာအောင် ဖန်တီးပေးနေပါတယ်။
၎) ပတ်ဝန်းကျင်ကြောင့်
အလုပ်မှာ ပတ်ဝန်းကျင်ဆိုတာ အရေးကြီးပါတယ်။ မိမိဟာ မှန်နေသော်လည်း ပတ်ဝန်းကျင်ရဲ့ အခြေအနေ အရပ်ရပ်က မိမိကို အလုပ်မှာ မပျော်ရွှင်အောင် တွန်းပို့နေပါတယ်။
၅) ဝါသနာ မပါတဲ့ အလုပ်ကြောင့်
ဝါသနာ ပါတဲ့ အလုပ်ဟာ ဘယ်လောက် ပင်ပန်းပါစေ အလုပ်လုပ်နေရရင်ကို ပျော်နေပါလိမ့်မယ်။ ဝါသနာ မပါတဲ့ အလုပ်ကို လုပ်နေရတယ်ဆိုရင် ကြာလာရင်တော့ အလုပ်မှာ မပျော်တဲ့သူ တစ်ယောက် ဖြစ်သွားပါလိမ့်မယ်။
ဓာတ်ပုံ - wiki how
ကျော်လင်းနိုင် (ရိုးရာလေး)
