မီးဘေးအန္တရာယ်ကာကွယ်ရန် ကြိုတင်သတိထားသင့်သည့်အချက်များ
အိမ်ဆိုတာ ကိုယ့်ရဲ့တန်ဖိုးအရှိဆုံးနဲ့ အဖိုးတန်ဆုံးအရာတွေ စုစည်းနေတဲ့နေရာတစ်ခုပါ။ ကိုယ်ပိုင်ဆိုင်သမျှ အရာဝတ္ထုပစ္စည်းတွေထဲကမှ အရေးကြီးဆုံးအရာဆိုလည်း မမှားပါဘူး။ ဒါကြောင့် ကိုယ့်အိမ်နဲ့ကိုယ်မိသားစုကို မီးဘေးအန္တရာယ်လို အဖျက်ရန်စွယ်တွေကနေ ကာကွယ်ဖို့ ကြိုတင်ပြင်ဆင်မှုတွေ လုပ်ဆောင်ထားသင့်ပါတယ်။
မီးဘေးအန္တရာယ်ကြောင့် အိမ်အတော်များများပျက်စီးခဲ့ကြရတာလည်း ကျွန်မတို့မြင်နေကြားနေရတာ ပါပဲ။ မီးလောင်မှုဆိုတာ မဆင်မခြင်ဖြစ်ကတတ်ဆန်းလုပ်ရပ်တွေ၊ ပေါ့ဆမှုတွေကြောင့် ဖြစ်ပွားတတ်ပါတယ်။ အဲဒါကြောင့်လည်း ကိုယ့်အိမ်ကို မီးဘေးအန္တရာယ်ကနေ ကာကွယ်ဖို့ သိထားသင့်တဲ့အချက်တွေကို စုစည်းတင်ပြလိုက်ပါတယ်။
၁။ မီးခိုးအာရုံခံစက်ကိရိယာ တပ်ဆင်ပါ။
ဖြစ်နိုင်ရင် အထပ်တိုင်းမှာ တပ်ထားပါ။ မီးခိုးအာရုံခံစက်ကိရိယာတွေက မီးခိုးထွက်တာနဲ့ စောစောစီးစီး အချက်ပေးနိုင်လို့ လူ့အသက်တွေမဆုံးရှုံးရသေးခင်၊ ပစ္စည်းဥစ္စာတွေ မဆုံးရှုံးရသေးခင်မှာပဲ မီးငြှိမ်းသတ်နိုင်ပါ လိမ့်မယ်။ မီးခိုးအာရုံခံစက်တွေမှာ ညွှန်ကြားထားတဲ့ အချက်အလက်တွေကိုတော့ သေချာဖတ်ရှုပါ။
၂။ မီးခိုးအာရုံခံစက်ကိရိယာတွေကို အမြဲစစ်ဆေးပါ။
မီးခိုးအာရုံခံစက်တွေက ဓာတ်ခဲကို အမြဲစစ်ဆေး လဲထည့်ပေးဖို့လိုပါတယ်။ စက်အများစုကတော့ ဓာတ် ခဲအားနည်းနေပြီဆိုရင် လဲဖို့မေ့နေမှာစိုးလို့ လဲရမယ့်အချိန်ရောက်ပြီဆိုရင် အချက်ပေးတဲ့စနစ်တွေ ထည့်ထား လေ့ရှိပါတယ်။
၃။ မီးလောင်နိုင်မယ့်အရာတွေကို အမြဲသတိထားကြည့်ပါ။
တီဗွီ၊ စတူရီယိုစနစ်တွေ၊ မီးအိမ်၊ မီးချောင်းတွေနဲ့ ကွန်ပျူတာတို့လို လျှပ်စစ်ပစ္စည်းတွေက ၀ါယာကြိုး တွေပြတ်ထွက်နေတာ၊ ဖွာထွက်နေတာမျိုးတွေရှိမရှိ အမြဲစစ်ဆေးပါ။ အပူပေးစက်တွေကိုလည်း အ၀တ်အစား၊ အမျှင်ပါတဲ့အရာတွေ၊ စာအုပ်၊ မဂ္ဂဇင်းနဲ့ သတင်းစာအဟောင်းတို့လို မီးလောင်လွယ်တဲ့အရာတွေနဲ့ ဘယ်တော့ မှ နီးနီးကပ်ကပ်မထားပါနဲ့။
၎။ မီးခြစ်ဆံဘူးတွေနဲ့ မီးခြစ်တွေကို ကလေးတွေ လက်လှမ်းမမီနိုင်တဲ့ နေရာမှာထားပါ။
ကလေးတွေက မီးဆိုရင် သိပ်ကိုစိတ်ဝင်စားတတ်ကြလွန်းလို့ သူတို့ရဲ့စပ်စုလိုစိတ်က အန္တရာယ်ကို လက်ယပ်လှမ်းခေါ်နေတာပဲဖြစ်ပါတယ်။ အဲဒါကြောင့် မီးခြစ်ဆံဘူးတွေနဲ့ မီးခြစ်တွေကို ကလေးတွေမမြင်နိုင်တဲ့ နေရာမှာထားပါ။ ဖြစ်နိုင်ရင် ဗီရိုထဲထည့်ပြီး သော့ခတ်ထားတာအကောင်းဆုံးပါပဲ။
၅။ တစ်ခုခုချက်ပြုတ်နေပြီဆိုရင် မီးဖိုချောင်မှာ လူရှိပါစေ။
မီးလောင်မှုအများစုက မီးဖိုချောင်ထဲက စတာပါ။ အဲဒါကြောင့်လည်း မီးဖိုချောင်လို မီးလောင်လွယ်တဲ့ နေရာတွေမှာ အမြဲတမ်းသတိထားနေပေးဖို့လိုအပ်ပြီး ဂရုတစိုက်နေတတ်တဲ့အကျင့်လေးလုပ်ပေးတာအ ကောင်းဆုံးပါပဲ။
၆။ မီးလောင်ရင်အချိန်မရွေးအသုံးပြုနိုင်မယ့် အရေးပေါ်အစီအစဉ်တစ်ခုထားပါ။
မိသားစုဝင်တိုင်း မီးလောင်ရင် အရေးပေါ်အသုံးပြုလို့ရမယ့်အစီအစဉ်တစ်ခုစီ ကြိုတွေးထားသင့်ပါ တယ်။ အရေးပေါ်အစီအစဉ်ကိုကြိုတွေးထားတော့ မီးလောင်ပြီဆိုတာနဲ့ ပျာယာခတ်မနေတော့ဘဲ မီးထဲက အေး အေးဆေးဆေး ထိခိုက်ဒဏ်ရာမရှိဘဲ လွတ်မြောက်လာနိုင်မှာ ဖြစ်ပါတယ်။ အခုလို အရေးပေါ်အစီအစဉ်တစ်ခုစီ စဉ်းစားထားတာဟာ မိသားစုဝင်တိုင်းအတွက် မီးဘေးအန္တရာယ်က လုံခြုံစေမှာပါ။
၇။ ဖယောင်းတိုင်ထွန်းရင် သတိထားပါ။
ဖယောင်းတိုင်ဆိုတာ သတိမထားမိရင် တခြားအရာတွေကိုပါ မီးကူးလွယ်စေတဲ့အရာပါ။ ဒါကြောင့် ဖယောင်းတိုင်ထွန်းမယ်ဆိုရင် ဖယောင်းတိုင်ခွက်နဲ့အကာအကွယ်အဖုံးကို အသုံးပြုပြီးတော့ မီးသတ်ဆေးဘူးကို ပါဆောင်ထားပါ။
၈။ လျှပ်စစ်ပစ္စည်းတွေကို အသုံးပြုပြီးရင် ပလပ်ဖြုတ်ပါ။
လျှပ်စစ်ပစ္စည်းတွေကို အသုံးပြုပြီးတဲ့နောက် အချိန်အကြာကြီးပလပ်မဖြုတ်ဘဲ ထားခဲ့တာဟာ မီးလောင်ဖို့အတွက် အကြီးမားဆုံးအန္တရာယ်တစ်ခုပါ။
၉။ ဆောင်းတွင်းမှာ မီးဖိုအသုံးပြုတဲ့အခါ သတိထားပါ။
ဆောင်းတွင်းမီးလှုံဖို့ အိမ်ထဲမှာ မီးဖိုထားတဲ့အခါ မီးဖိုကို ပုံမှန်စစ်ဆေးမှုတွေပြုလုပ်ပြီး မီးဘေးအန္တရာယ် မဖြစ်အောင် ထိန်းသိမ်းပါ။ ကလေးတွေကိုလည်း မီးဖိုနားမကပ်ပါစေနဲ့။
၁၀။ ကလေးတွေကို မီးဘေးအန္တရာယ်နားလည်အောင် ရှင်းပြပေးထားပါ။
ကျန်းမာပျော်ရွှင်တဲ့မိသားစုတစ်ခုဖြစ်ဖို့အတွက် မိသားစုဝင်တိုင်း မီးဘေးအန္တရာယ်နဲ့ပတ်သက်ပြီး နားလည်ထားဖို့က အရေးကြီးတဲ့အချက်တစ်ချက်ပါ။ မိသားစုဝင်တိုင်းကို မီးဘေးအန္တရာယ်ဆိုင်ရာ ဗဟုသုတ တွေကို အခါအားလျော်စွာ ရှင်းလင်းပြောပြပေးထားပြီး မီးဘေးကြိုတင်ကာကွယ်ဖို့နည်းလမ်းတွေနဲ့ မီးဘေး ကြုံတွေ့လာရတဲ့အခါ နည်းမှန်လမ်းမှန်နှိမ်နင်းနိုင်အောင်ကြိုးစားဖို့၊ မနှိမ်နင်းနိုင်လောက်တဲ့ပမာဏမှာဆိုရင် ဘယ်လိုလွတ်မြောက်အောင်စီမံဆောင်ရွက်ရမလဲဆိုတာတွေကိုပါ သင်ကြားပေးထားမယ်ဆိုရင်တော့ အကောင်းဆုံးပါပဲလို့ အကြံပြုပါရစေ။
ရေးသူ-အမရာ
Credit Sai Pyae Han Phyo
