### ကတိတစ်ခုရဲ့နောက်ကွယ် ( စ/ဆုံး ) ###
ဟေ့ရောင် မိုးသော် မင်းမှာသူငယ်ချင်းကောင်မလေးမရှိ
ဘူးလားကွာ ငါ့မှာရည်းစားမရှိလို့ကွ ဖြစ်နိုင်ရင်တစ်ယောက်
လောက်ငါ့ကိုမိတ်ဆက်အောင်သွယ်ပါလုပ်ပေးပါလားကွာ..
ဟေ...အံ့သြခြင်းများစွာနဲ့ မထင်မှတ်တဲ့ စကားတစ်ခွန်းနဲ့အတူ
သူငယ်ချင်းဖြစ်သူ ထွေးအောင်ရဲ့ အကူအညီတောင်းပုံက
ရယ်စရာလိုလို ဘာလိုလို ..ထွေးအောင်ကမြို့သားလေ
ကျနော်မိုးသော်ကခရိုင်မြို့လေးနဲ့ဆယ်မိုင်လောက်ဝေးတဲ့
တောရွာမှာ ကြီးပျင်းတဲ့ တောသားစစ်စစ် ထွေးအောင်နဲ့
ခင်မင်တာက အလယ်တန်းတတ်စဉ်ကနေဆယ်တန်း
အထိ အတန်းတူပြောမနာဆိုမနာပေါင်းသင်းလာတဲ့
သူငယ်ချင်းပေါ့ ရွာမှာက မူလတန်းပဲရှိတာဆိုတော့
မြို့ပေါ်ကကြီးဒေါ်အိမ်မှာနေရင်းကျောင်းတတ်ခဲ့ချိန်က
ရင်းနှီးခဲ့တဲ့သူပေါ့ သူ့လိုမြို့မှာမွေး မြို့မှာကြီးတဲ့ကောင်က
တောသားကျနော့်ကို ရည်းစားတစ်ယောက်ရဖို့အကူ
အညီတောင်းတယ်ဆိုတော့ ရယ်ချင်စရာဖြစ်နေသလို
နောက်တယ်လို့ ထင်မယ်ဆိုလည်းထင်ချင်စရာကိုးဗျာ့..
အခုထွေးအောင်က ကျနော်ရှိတဲ့ တောရွာကိုအပျင်းပြေ
လာလည်ရင်းနဲ့ ရွာကကောက်ပဲသီးနှံတွေအတွက်အဝယ်
တော်ပေါက်စအဖြစ်နဲ့ရောက်လာတယ်ဆိုပါတော့ဗျာ
ရွာခံလည်းဖြစ် သူငယ်ချင်းလည်းဖြစ်တဲ့ ကျနော်ကအစစ
အရာရာကူညီဖို့အကြောင်းဖန်လာခဲ့ပြီပေါ့....
ဟကောင်ရဲ့ မင်းကမြို့သားလုပ်နေပြီးရည်းစားတောင်
မရှိဘူးလား ...မင်းပြောမယ်ဆိုလည်းပြောချင်စရာပဲဟေ့
ငါအခုအချိန်အထိရညိးစားမထားဘူးသေးဘူးကွ ..
ကဲပါ..မယုံတစ်ဝက်ယုံတစ်ဝက် ယုံရခက်ခက်နဲ့ပဲယုံကြည်
ပေးပါ့မယ် မနက်ဖြန်လယ်ထဲဆင်းစရာရှိတယ်ကွ
ဟိုဘက်ရွာက ကောင်မလေးတွေ လယ်စိုက်ဌားထားတယ်
သူတို့ကဒီရွာကလယ်ပိုင်ရှင်တွေရဲ့ လယ်တွေကိုအဌား
စိုက်ကြတာ လယ်စိုက်လို့ မပြီးမချင်းဒီရွာမှာပဲနေကြတာ
ဒီရွာသူတစ်ပိုင်းကိုဖြစ်နေပြီဆိုပါတော့ အဲ့ဒါမနက်ဖြန်
ကျရင် မင်းလိုက်ခဲ့ ရည်းစားမရှိတဲ့ ကောင်မလေးဆိုရင်
ငါအောင်သွယ်လုပ်ပေးမယ် ဟုတ်ပြီလား ဒါပေမယ့်
တစ်ခုတော့ရှိတယ် အတည်မဟုတ်ပဲ အပျော်ကြံယုံဆိုရင်တော့
ငါအားမပေးသလို အောင်သွယ်လည်းလုပ်မပေးနိုင်ဘူး
နေပါဦး မင်းက ဟို..တောသူကိုတကယ်ယူနိုင်မှာရော
ဟုတ်လို့လားကွာ မင်းစိတ်တော့ကောင်းပါတယ်နော်
ဟီးးးဟီးးး ရှေးလူကြီးသူမတွေ ပြောတာမကြားဖူးဘူးလား
မယားတောသူပါတဲ့ဆို အဲ့ဒါကြောင့်မြို့နဲ့လည်းသိပ်မဝေးတဲ့
မင်းဆီကိုလာလည်ရင်း မိန်းမရှာပုံတော်ပါဖွင့်လိုက်တာ
ငါကလည်းအတည်မယူနိုင်ပဲနဲ့တော့မိန်းကလေး
တစ်ယောက်ကိုအပျော်မကြံပါဘူးကွာ....
မင်းသေချာတယ်ဆိုရင်တော့ ကူညီဖို့အသင့်ပဲ..Ok..
ဘုရားဖူးရင်းလိပ်ဥတူးမယ့် ထွေးအောင်တစ်ယောက်အတွက်
မိုးသော်ဆိုတဲ့ ကျနော်က အောင်သွယ်တော်လုပ်ပေးဖို့
အကြောင်းဖန်လာတယ်ပေါ့ဗျာ နောက်နေ့လယ်ထဲဆင်းတော့
ထွေးအောင်ပါလိုက်လာတယ် မြို့သားဆိုတော့အထူးအဆန်း
ဖြစ်ပြီးကောက်စိုက်သမတစ်သိုက်ကလည်းလှမ်းလျှိုးပြီး
စကြနောက်ကြတာ ကျနော်တောင်မိတ်ဆက်ပေးစရာ
မလိုပဲသူတို့အားလုံးနဲ့ရင်းနှီးသွားကြတာပေါ့ မိုးသော်ရေ
သူငယ်ချင်း ငါတော့ ဟိုးအစွန်ဆုံးက ကောင်မလးကို
ကြိုက်တယ်ကွ သူ့မှာရည်းစားရှိမရှိမင်းစုံစမ်းပြီးတော့
လှုပ်ရှားပေးပေတော့...ငင်...ထွေးအောင်..အဲ့ဒီတျောက်က
အပျိုမဟုတ်ဖူးကွ သူ့ယောက်ျားကပြီးခဲ့တဲ့နှစ်ကပဲ
ပိုးထိပြီးဆုံးသွားတာ အရွယ်ငယ်ငယ်နဲ့သနားစရာမုဆိုးမ
လေးဖြစ်နေရရှာတာ...သူ့ယောက်ျားကလည်းဒီရွာသားပဲ
ဒါပေမယ့်အခုတော့ ဒီကောင်မလေးကသူ့မိဘအိမ်မှာ
ပြန်နေနေတာပေါ့...
ထွေးအောင်:-သနားစရာ ကောင်းလိုက်တာကွာ...
သူ့မှာရည်းစားမရှိတာသေချာရင် ကြိုးစားပေးကွာနော်
ငါသူ့ကိုမြင်မြင်ချင်းပဲသဘောကျနေမိပြီ ငါအတည်ယူမှာပါ
မင်းကူညီဖို့သာပြင်ထားပေတော့...
မိုးသော်:;အေးပါကွာ ..ငါအစွမ်းကုန်ကူညီပါ့မယ်
ထွေးအောင်:- ဒါနဲ့သူ့နာမည်ကဘယ်သူလဲ မိုးသော်
ညိုလေးနွယ်တဲ့....
ဒီလိုနဲ့ပဲ မျက်မှန်းတမ်းမိသွားကြတယ်ပေါ့ ကျနော့်ရဲ့
အညွှန်းတစ်ချို့နဲ့အတူ ညိုလေးနွယ်ကလည်းထွေးအောင်
အပေါ်ရင်ခုန်စိတ်လှုပ်ရှားမူ့ မီးစိမ်းကလေးလင်းလက်လာပြီး
ချစ်သူဘဝသို့ မဆိုင်းမတွရောက်ရှိသွားကြလေသတည်း
လကွယ်ညရဲ့ အမှောင်ထုကိုအားပြုလို့ ရွာအနောက်ဘက်က
မကျည်းပင်အောက်မှာ ထွေးအောင်နဲ့ညိုလေးနွယ်ချိန်း
တွေ့ကြသည်ပေါ့
..
ညိုလေးနွယ်--* ကိုထွေးရယ် ကျမကိုခွဲမသွားရဘူးနော်
ဘယ်ဘဝရောက်ရောက်ပေါ့.....
ထိုအချိန်--**မကျည်းပင်ပေါ်က တောက်ခေါက်သံကြီး
တိတ်ဆိတ်မူ့ကိုထွင်းဖောက်ပြီးတော့ ချစ်သူနှစ်ဦး
ကြက်သီးဖျန်းဖျန်းထသွားရလောက်အောင်ကြားလိုက်ရသည်
ထွေးအောင်==ဘယ်သူတောက်ခေါက်တာလဲ ဘယ်သူ
တောက်ခေါက်တာလဲ ...
ညိုလေးနွယ်**- ကိုထွေးသူငယ်ချင်း မိုးသော်နေမှာပါ
ထွေးအောင်--** ဒီကောင်ကွာ နောက်စရာရှားလို့..
ဒီလိုနဲ့ပဲ အချိန်ကုန်အိမ်ပြန်လာကြတယ်...
အိမ်ရောက်တယ်ဆိုရင်ပဲ မောင်မင်းကြီးသားကမေးပါလေရော
မိုးသော်ရာတကယ့်အရေးမှမင်းကလာတောက်ခေါက်နေတယ်
ငါဖြင့်လန့်သွားတာပဲ ....
မိုးသော်---*** ငင်...ဟကောင်ရ ငါကဘာလို့တောက်ခေါက်
ရမှာလဲ မင်းတို့အကြည်ဆိုက်နေတာသိလို့ ငါကမင်းတို့နဲ့
အဝေးဆုံးမှာရှိနေတာ မင်းပြောထားတဲ့အချိန်ရောက်မ
မင်းကိုငါလာခေါ်တာ မင်းတို့အနားမှာငါရှိမနေဘူးလေ
ထွေးအောင်--** မလိမ်ပါနဲ့မိုးသော်ရာတောက်ခေါက်သံကို
ငါတင်မဟုတ်ဘူး ညိုလေးပါကြားလိုက်တာရယ်..
မိုးသော်--** ဟာကွာ ငါတကယ်တောက်မခေါက်ဖူးဟ
ငါကျိန်ဆိုကျိန်ဝံ့ပါတယ်ကွာ ငါမဟုတ်တာတော့သေချာတယ်
တခြားအတွဲတွေများအနီးအနားမှာရှိနေလို့မင်းတို့ကိုမနာ
လိုဖြစ်ပြီးတောက်ခေါက်တာများလား....
ထွေးအောင်---** သိတော့ဘူးကွာ မင်းမဟုတ်လဲပြီးတာပဲ
ငါနဲ့ညိုလေးဝါကျွက်ရင်တော့ လက်ထပ်ဖို့ငါ့ဘက်ကအစစ
အရာရာပြင်ဆင်မှဖြစ်တော့မယ် မုဆိုးမဆိုတဲ့စိတ်နဲ့
ညိုလေးခမျာအားငယ်နေရှာတာ...
မိုးသော်---** ဟုတ်ပါပြီ ကဲအချိန်မရှိတော့ဘူးမနက်ကျတော့
စပါးပေါ်ပေးငွေကြိုယူချင်လို့တဲ့ ဦးကြီးအောင်ကငါ့ကို
မေးခိုင်းလိုက်တယ်မင်းပိုက်ဆံအဆင်သင့်ပြင်ထားလိုက်ဦး
ထွေးအောင်--**အိုကေ..ပြင်ထားလိုက်မယ်အခုတော့
ငါအိမ်မက်လှလှမက်လိုက်ဦးမယ် ညိုလေးနဲ့...ငိငိ.
ညိုလေးနွယ် အိမ်မက်လိုလို တကယ်လိုလိုအသံတွေကြား
နေရတယ်. ..နွယ်....နွယ် ..နင်ဘယ်သူ့ကိုမှယူခွင့်မရှိဘူး
နင်ငါ့ကိုပေးထားတဲ့ ကတိကို နင်သေတဲ့အထိကတိတည်
ရမယ် နင်လာမယ့်အချိန်အထိ ငါစောင့်နေမယ် နွယ်
အင်း...အင်းပါ..စောင့်နေနော်..လေးနွယ်လာတဲ့အထိ..
လေးနွယ် ဘာတွေလုပ်နေတာလဲ ဒီချိန်ကြီးမှ
ဘယ်သူနဲ့စကားတွေပြောနေတာလဲ အခန်းဘေးက
သူငယ်ချင်း သူဇာကနိူးလာပြီးမေးတော့မှ..
ညိုလေးနွယ်--** အိပ်ယာကနိုးသွားတယ် သူအိမ်မက်မက်
နေတာဆိုတာသိလိုက်တယ် .ငါ .ငါ.အိပ်နေပြီရယ်
ဘယ်သူနဲ့မှစကားမပြောပါဘူး ယောင်တာဖြစ်မယ်
နေ့ခင်းကအကြောင်းတွေ စကားပြောတာတွေကို....
ညိုလေးနွယ် ပြန်အိပ်ဖို့ ကြိုးစားပေမယ့်ဘယ်လိုမှအိပ်လို့
မရဘူးစောနားကစကားသံကိုသူရင်းရင်းနီးနီးသိနေသလိုပဲ
နောက်ပြီးသူ့နာမည်ကိုခေါ်တာကလည်း နွယ် တဲ့
ငါ့ကို နွယ် လို့ခေါ်တာကသူ့ရဲ့ငယ်ချစ်ဦးယောက်ျားဖြစ်သူ
စောမောင်....ဒါဆို...အကိုစောမောင်...များ...မကျွက်လွက်
သေးတာများလား...ဒါဆို...ဒါဆို...ဟို..မကျည်းပင်ပေါ်က
တောက်ခေါက်သံက....အကိုစောမောင်များလား...
အဲ့ဒီမကျည်းပင်အောက်မှာ ငါနဲ့အကိုစောမောင်ချိန်းတွေ့
နေကျ ကတိတွေ သစ္စာတွေ ထားခဲ့ကြသည့်နေရာ..
ဒါဆို...စောနားကအိမ်မက်မဟုတ်ဖူးပေါ့...ငါ...ငါ...
ငါ...ဘယ်လိုလုပ်ရပါ့..
တောက်ခေါက်သံက....အကိုစောမောင်များလား...
အဲ့ဒီမကျည်းပင်အောက်မှာ ငါနဲ့အကိုစောမောင်ချိန်းတွေ့
နေကျ ကတိတွေ သစ္စာတွေ ထားခဲ့ကြသည့်နေရာ..
ဒါဆို...စောနားကအိမ်မက်မဟုတ်ဖူးပေါ့...ငါ...ငါ...
ငါ...ဘယ်လိုလုပ်ရပါ့...
အတိတ်ရဲ့အရိပ်လွှမ်းမိုးမူ့နဲ့အတူ ညိုလေးနွယ်ရဲ့အိပ်ပျက်ည
အိမ်မက်ဆိုးတွေက ခြောက်လှန့်နေပါတော့တယ်...
လက်ရှိချစ်ရသူ ကိုထွေးကိုလည်းဖွင့်မပြောရဲပြောပြလိုက်လို့
နားလည်စာနာပေးနို်ပါ့မလား အကိုစောမောင်ကိုသတိမရတော့
ဘူးလည်းမဟုတ် သေသောသူကြာရင်မေ့ဆိုသလိုမေ့
နိုင်ပြီလို့ယူဆပြီးလက်ကျန်ဘဝအတွက်ယုံကြည်မူ့ကို
ထပ်တူချပြီးရင်ခုန်သံလေးရောစွက်လို့နှလုံးသားအသစ်
တစ်ဖန်ပြန်လည်မွေးဖွားချိန်မှာပဲထင်မှတ်မထားတဲ့
စွဲလန်းမူ့ကိုဆုပ်ကိုင်ပြီးတမလွန်ကတောင်စောင့်မျော်နေဦး
မယ်ဆိုတဲ့ အကိုစောမောင်ရဲ့ အချစ်ကို ဥပေက္ခာပြုသလိုများ
ဖြစ်နေပြီလားမသိဘူး....အတွေးလွန်စွာနဲ့ပဲ ညိုလေးနွယ်
ထွေးအောင်ချိန်းတဲ့ရက်တွေကိုအကြောင်းအမျိုးမျိုးပြပြီး
ရှောင်နေခဲ့မိပါတော့တယ်....
_____________________
ထွေးအောင် ညိုလေးနဲ့ မတွေ့လို့မဖြစ်တဲ့အခြေအနေကို
ရောက်နေရပြီ ပြောပြစရာတွေ တိုင်ပင်စရာတွေ ညိုလေးကို
မေးချင်တာတွေ ထွေးအောင်ရင်ထဲမှာပြည့်နှက်နေခဲ့ပြီ
ပြောစရာတွေများပါတယ်ဆိုမှ ညိုလေးကသူ့ကိုရှောင်ဖယ်ဖယ်
လုပ်နေတယ် ဘာကြောင့်ဆိုတဲ့အကြောင်းပြချက်မခိုင်လုံ
ပါပဲညိုလေးသူ့ကိုရှောင်နေတယ်...
ထွေးအောင်ပြောချင်တဲ့ အကြောင်းအရာတွေက
ညညဆိုသူ့အိမ်မက်ထဲကိုရောက်ရောက်လာတဲ့တစ္ဆေ
တစ်ကောင်ရယ်ပေါ့...နာကျည်းတဲ့မျက်ဝန်းတစ်စုံနဲ့
ဒီရွာကနေအမြန်ဆုံးထွက်သွားဆိုတဲ့ကြိမ်းမောင်းသံတွေ
နွယ်နဲ့မပက်သက်နဲ့ဆိုတဲ့သတိပေးအမိန့်သံတွေနွယ်က
သူ့ချစ်သူ သူ့မိန်းမ တစ္ဆေဘဝကနေ နွယ့် ကိုစောင့်နေတာ
ဆိုတဲ့ တောင်းပန်မူ့သဝဏ်လွှာနဲ့တောင်းဆိုသံတွေက
ထွေးအောင်ဘာဆက်လုပ်ရမလဲဆိုတဲ့ အဖြေအတွက်
မဟေဠိပုစ္ဆာတစ်ပုဒ်ဖြစ်နေရပါတော့တယ်...
သူငယ်ချင်းဖြစ်သူ မိုးသော်ကိုတိုင်ပင်မယ်လို့စိတ်ကူးရှိ
ပေမယ့်ချစ်သူ ညိုလေးနဲ့အရင်ဆုံးတိုင်ပင်ပြီးတော့မှ
အဖြေရှာချင်တဲ့ဆန္ဒကအလေးသာနေတော့ မိုးသော်ကို
ဒီအကြောင်းတွေအခုချိန်အထိပြောမပြဖြစ်သေး...
____________________
နှစ်ဦးသားရဲ့ပြောစရာစကားအစုံရဲ့ ဆန္ဒမှန်လို့ထင်ရဲ့
ညိုလေးနဲ့ထွေးအောင်တို့ဟိုတခါတွေ့ဖြစ်တဲ့မကျည်းပင်ရဲ့
အောက်မှာတွေ့ဖြစ်ဖို့အချိန်ကျရောက်လာခဲ့ပြီပေါ့....
လမင်းကြီးဝိုင်းစက်ပြည့်ဝန်းနေတဲ့လပြည့်ညမှာပေါ့
_____________________
"ကိုထွေးကိုပြောရာရှိတယ်"ညိုလေးကိုပြောစရာရှိတယ်"
________
မတိုင်ပင်ပဲပြိုင်တူပြောလိုက်မိကြတယ်....
"ကိုထွေးအိမ်မက်မက်တယ်"ညိုလေးအိမ်မက်မက်တယ်"
"ငင်"...တူနေပြန်ပြီ...ကဲပါ ညိုလေးအရင်ပြောပါ...
ဦးစားပေးခံရတဲ့ညိုလေး မျက်ဝန်းကမျက်ရည်စတွေနဲ့အတူ
ညိုလေး))ကိုထွေးစိတ်ထဲဘယ်လိုမှရှိမနေရဘူးနော်
ကိုထွေး))မရှိပါဘူး ညိုလေးရယ်ပွင့်ပွင့်လင်းလင်းပြောပါ
ညိုလေး))ဒီလို ကိုထွေးရဲ့ ကိုထွေးနဲ့တွေ့ခဲ့တဲ့ပြီးခဲ့တဲ့
အခါတုန်းကလေအဲ့ဒီညကအိမ်မက်မက်တယ်သိလား
အိမ်မက်ထဲမှာ ညိုလေးရဲ့အရင်ယောက်ျားဆုံးသွားတာ
ကိုထွေးသိပြီးသားနော်...
ကိုထွေး))အင်းသိတယ်လေဘာဖြစ်လို့လဲ ကိုယ်သိပြီးသားပဲ
ညိုလေး))အိမ်မက်ထဲမှာစကားတွေလာပြောနေတယ်
နောက်ပြီးသူကတမလွန်ဘဝကနေစောင့်နေတယ်တဲ့..
ကိုထွေး))..ငင်...တိုက်ဆိုင်လွန်းနေပါလား..
ညိုလေး))ဘာတိုက်ဆိုင်တာလဲဟင်ကိုထွေး
ကိုထွေး))ကိုယ်လည်းအဲ့ဒီညကပဲအိမ်မက်မက်တယ်ညိုလေး
အိမ်မက်ထဲမှာ(အပေါ်မှာဖတ်ခဲ့ပြီးသားစကားတွေပေါ့)
ကိုယ်တို့ဘာဆက်လုပ်ကြမလဲ ကိုယ့်အနေနဲ့ညိုလေးကသာ
နောက်ဆုက်ပေးပါဆိုရင်တော့ ကိုယ်နောက်ဆုက်ပေးမှာပါ
ညိုလေးကိုမချစ်လို့မဟုတ်ဖူးနော်ညိုလေးစိတ်ချမ်းသာစေချင်လို့
တမလွန်ကတစ္ဆေတို့ဘာတို့ဆိုတာလည်းကိုယ်ကသိပ်ပြီး
အယုံအကြည်ရှိတာမဟုတ်ဖူးရှိခဲ့ရင်လည်းမသက်ဆိုင်တဲ့
ဘဝကဟာတွေမို့ကိုယ်ဂရုမစိုက်ဘူးညိုလေးအတွက်ရင်ဆိုင်ဖို့
ကိုယ့်ဘက်ကအဆင်သင့်ပါပဲ....
____________________________
ညိုလေးလည်းမစဉ်းစားတတ်တော့ဘူးကိုထွေးရယ်
အခုဟာကသူသက်ရှိထင်ရှားရှိနေပါလျက်ညိုလေးက
သစ္စာဖောက်တာမှမဟုတ်တာဘဝဆက်တိုင်းပေါင်းဖက်ဖို့
ဆိုတဲ့ဆန္ဒနဲ့သစ္စာပြုခဲ့တယ် လက်ရှိဘဝအခက်အခဲ
ကိုရင်ဆိုင်ဖို့အရွယ်ရှိချိန်မှာညိုလေးအားကိုးထိုက်တဲ့သူ
ညိုလေးကိုနားလည်ပေးနိုင်သူကိုညိုလေးရွေးချယ်ချင်တယ်
ညိုလေးသူ့ကိုအမျှအတန်းပေးဝေခဲ့တာလည်းအကြိမ်
ကြိမ်ပါသူဘာဖြစ်လို့သာဓုမခေါ်နိုင်ရတာလဲသူအသက်
ရှင်ချိန်ကလည်းသူကလူကောင်းတစ်ယောက်ပါ
အသောက်အစားကင်းသလိုအရှုပ်အရှင်းကင်းပြီးရိုးသား
ကြိုးစားပြီးညိုလေးကိုအရမ်းချစ်တဲ့အရမ်းသဝန်တိုတာ
(အကိုစောမောင်လို့ ကိုထွေးရှေ့မှာမခေါ်ချင်လို့ သူဆိုတဲ့
နာမ်စားနဲ့သုံးစွဲပြီးပြောရတာစိတ်ထဲတော့တစ်မျိုးပဲ)
____________________
(ကိုယ်နားလည်ပါတယ် ညိုလေးရယ် သူဆိုတဲ့
အသုံးအနှုန်းနဲ့ကိုယ့်အချစ်ကိုအလေးထားပေးလို့)
ကိုထွေး))ကဲပါညိုလေးရယ် မိုးသော်နဲ့တိုင်ပင်ပြီးတော့
ဘာဆက်လုပ်သင့်တယ်ဆိုတာဝိုင်းပြီးစဉ်းစားကြတာပေါ့
ဒါနဲ့မေးပါဦးမယ်ဒီလောက်အရေးကြီးတဲ့စကားတွေကိုပြော
စရာရှိတာတောင်ညိုလေးကဘာဖြစ်လို့ချိန်းလိုက်တိုင်း
ရှောင်ဖယ်ဖယ်လုပ်နေရတာလဲ...
ညိုလေး))အဲ့ဒီအကြောင်းတွေပြောပြချင်တယ်လေ
ဒါပေမယ့်ပြောထွက်ဖို့ခွန်အားကမရှိဘူးဖြစ်နေတယ်
ကိုထွေးကနားလည်ပေးပါ့မလားဆိုတဲ့စိုးရိမ်စိတ်ကလွှမ်းမိုး
နေသလိုကိုထွေးငြိုငြင်မှာစိတ်ပျက်သွားမှာကြောက်လို့ပေါ့
ကိုထွေး))ဖြစ်ရလေ ညိုလေးရယ် ညိုလေးကိုချစ်မိတဲ့
ကိုယ်ကအရာအားလုံးနားလည်ပေးနိုင်တယ်ဆိုမှညိုလေးကို
ချစ်ခွင့်ပန်ဖို့ဆုံးဖြတ်ခဲ့တာပါ နောက်တခါဆိုရင်ဘာပဲဖြစ်ဖြစ်
စိတ်ထဲမှာသိမ်းမထားနဲ့ကိုယ့်ကိုအားလုံးပြောပြဟုတ်ပြီလား
ညိုလေး))ကျေးဇူးတင်ပါတယ် ကိုထွေးရယ် အခုလို
နားလည်ပေးလို့ မုဆိုးမဆိုတဲ့ ဘဝမှာသိမ်ငယ်နေရတာ
ကျင့်သားရနေပြီဆိုပေမယ့်အားငယ်မူ့ကတော့
ကြီးစိုးနေဆဲပဲလေ
ညိုလေး))ကျေးဇူးတင်ပါတယ် ကိုထွေးရယ် အခုလို
နားလည်ပေးလို့ မုဆိုးမဆိုတဲ့ သိမ်ငယ်နေရတာကျင့်သား
ရနေပြီဆိုပေမယ့်အားငယ်မူ့ကတော့ကြီးစိုးနေဆဲပဲလေ
ကိုထွေး))ကဲပါစိတ်အားငယ်စရာတွေကိုမေ့ထားလိုက်တော့
အဖြေကိုကိုယ်တို့ရှာနိုင်မှာပါအကောင်းဆုံးအဖြေတစ်ခု
ရမှာပါ ညိုလေးရယ်...
အချိန်လင့်နေပြီ ပြန်ကြရအောင်နော်...
______________________________
ကျုပ်ကိုကူညီပါဦး ကွင်းပိုင် တစ္ဆေကြီးရယ်...ကျုပ်..
ကျုပ်..နွယ့် ကိုသိပ်ချစ်တယ် နွယ်နဲ့ မဝေးပါရစေနဲ့
နွယ် ရာက်လာမှပဲ နောက်တစ်ဘဝကို ကူးပါရစေဗျာ
သူတို့နှစ်ယောက်ကိုပေါင်းဖက်ခွင့်မပြုနိုင်ဘူးအခုသူတို့ရဲ့
အိမ်မက်ထဲကို ကျုပ်သွားခွင့်မရတော့ဘူးသူတို့ကိုသတိပေးမှ
ဖြစ်မယ် သတိမပေးနိုင်တော့ရင် ကျုပ်နဲ့ နွယ် ဝေးရတော့မှာ
ကွင်းပိုင်းတစ္ဆေ))ငါကူညီပေးနိုင်သလောက်ကူညီထားပြီးပြီ
သူတို့ဘာဆက်လုပ်မလဲစောင့်ကြည့်ပါဦးသူတို့သိသင့်တာ
အိမ်မက်ပေးထားပြီးပြီလေ မင်းကသာဓုခေါ်ပြီးတော့
ကျွတ်လွတ်နိုင်ရဲ့သားနဲ့ အစွဲအလန်းကြီးပြီးဒီဘဝကြီးကနေ
စောင့်နေချင်တယ်ဆိုလို့အချိန်တွေဆွဲပေးထားရတာ
မင်းသိပ်ချစ်တဲ့ နွယ်ကငါတို့ထက်အဆင့်မြင့်တဲ့လူ့ဘဝမှာ
ငါတို့ဖြစ်ချင်တိုင်းဖြစ်ခွင့်မရသလိုလုပ်ချင်တိုင်းလုပ်လို့မရဘူး
နောက်ပြီးတော့ သူဒီဘဝကိုရောက်လာမယ်ဆိုတာကိုလည်း
ငါတို့ကြိုမသိနိုင်ဘူးလူ့ဘဝသက်တမ်းကုန်လို့တခြားဘဝကို
ချက်ချင်းကူးချင်ကူးသွားနိုင်တယ်...
စောမောင်))ဘာပဲဖြစ်ဖြစ် ကွင်းပိုင်ကြီးရယ်
ကျုပ်စောင့်နေတာ နွယ် သိစေချင်သလို သူတို့အိမ်မက်
ကနေတစ်ဆင့် ကျုပ်ပိုင်နက်ထဲရောက်ချိန်မှာဖြစ်ဖြစ်
ကျုပ်လုပ်နိုင်သမျှလုပ်ခွင့်ရဖို့တော့ ကူညီပေးပါကွင်းပိုင်ကြီးရယ်
ကွင်းပိုင်တစ္ဆေ)) ကောင်းပြီ သူတို့ကလူသားတွေဖြစ်တဲ့အတွက်
ထိခိုက်ဒဏ်ရာ ရဖို့တော့ မင်းကိုငါလုပ်ခွင့်မပြုဘူး
အသံ အရိပ်အယောင်နဲ့ ပြောလို့ရအောင်တော့ တန်ခိုး
စွမ်းအင် ငါတတ်နိုင်သမျှကူညီပေးမယ်.....
စောမောင်)) ကျေးဇူးကြီးလှပါတယ် ကွင်းပိုင်ကြီးရယ်
__________________________
ထွေးအောင်နဲ့ညိုလေးနွယ် ချိန်းတွေ့တဲ့အချိန်က တစ္ဆေ
စောမောင် ကွင်းပိုင်ကြီးဆီသွားပြီးအကူညီတောင်းခံချိန်ဖြစ်
နေတော့ စောမောင်ပိုင်တဲ့ မကျည်းပင်အောက်မှာချိန်း
တွေ့တာကိုစောမောင် မသိလိုက်ရရှာဘူးပေါ့...
နောက်ပြီး တစ္ဆေဆိုတာမျိုးကလည်း အမှောင်ကိုအားပြုပြီး
လူတွေစိတ်ခြောက်ခြားတဲ့အချိန်မျိုးမှခြောက်လှန့်လို့ရတာမျိုး
ကြောက်တတ်သူကိုရွေးခြောက်တယ်ဆိုတာမျိုးပေါ့
အမှန်ကတော့ စိတ်အားငယ်ပြီးထင်ယောင်ထင်မှားဖြစ်တာမျိုး
ရင်ခုန်စိတ်လှုပ်ရှားမူ့အများဆုံးအချိန်တွေမှသာအားနည်းချက်
အဖြစ်အခွင့်ကောင်းယူပြီးခြောက်လှန့်ပြကြရတာလေ
ဒါတောင်သူတို့မှာထိုက်သင့်တဲ့ တန်ခိုးစွမ်းအားရှိမှကွင်းပိုင်
နယ်ပိုင်တွေရဲ့အကူအညီရယူထားနိုင်မှသာလူတွေနဲ့ပက်သက်
ဆက်နွှယ်လို့ရတဲ့အရာမျိုးပေါ့....
___________________________
အဲ့ဒါပဲ...မိုးသော်ရေ..ယုံဖို့ခက်တယ်ဆိုပေမယ့်လည်း
ငါရောညိုလေးရော..အိမ်မက်တစ်ခုရဲ့အကြောင်းအရာကတူညီ
နေတာပဲ..ငါတို့..ဘာဆက်လုပ်ရမလဲ..ဘာလုပ်သင့်သလဲဆိုတာ
မင်းသိသလောက်ပြောပြပါဦး...ကူညီပါဦးကွာ...
မိုးသော်))စောမောင်တော်တော်အစွဲအလန်းကြီးတာပဲ
ဒါပေမယ့် ညိုလေးနွယ် အသက်အရွယ်နဲ့ ရှေ့ဆက်ရမယ့်
ဘဝခရီးအတွက်ရွေးချယ်သင့်တာကိုတော့ရွေးချယ်ရမှာပဲ
ဘာဖြစ်လို့လည်းဆိုတော့စောမောင်ကတမလွန်ကနေ
လူ့ဘဝရဲ့အကောင်းအဆိုးအကြောင်းအကျိုးကိုတိုက်ရိုက်
သူဘာမှမကူညီမလုပ်ပေးနိုင်ဘူးလေ မင်းအနေနဲ့မိန်းမ
မရှားတာမှန်ပေမယ့်တကယ်ချစ်တဲ့သူချစ်ကိုယ်ချစ်ဆိုတာ
မျိုးကရှိဖို့ခဲယဉ်းတယ် ....
ထွေးအောင်))ငါ ညိုလေးကိုချစ်တယ် ပိုင်ဆိုင်ချင်တယ်
သူ့ဘဝရဲ့အခက်အခဲမှန်သမျှကို ဝေမျှခံစားချင်တယ်ကွာ
စောမောင်ကိုမထေမဲ့မြင်ပြုတာမဟုတ်သလိုသူ့အချစ်ကို
လုယူတာမျိုးလည်းမဟုတ်ဖူးရိုးရိုးလေးချစ်ပြီးမေတ္တာစစ်နဲ့
ညိုလေးကိုလက်ထပ်ပေါင်းသင်းချင်တာပဲရှိတယ်..
မိုးသော်))အေးကွာ တမလွန်ပရလောကဆိုတာမျိုးက
ငါတို့မမြင်နိုင်မသိနိုင်တာတွေအများကြီးရှိတာဆိုတော့
နားလည်သိတတ်တဲ့ဆရာတွေနဲ့တိုင်ပင်ပြီးတော့ကြိုးစား
ကြည့်ကြတာပေါ့....
_________________________
ဒီလိုနဲ့အဖြေရှာဖို့ကြိုးစားနေရင်း ထွေးအောင်နဲ့ ညိုလေးနွယ်
ထပ်ပြီးတော့ချိန်းတွေ့ကြပြန်တာပေါ့...
ထုံးစံအတိုင်း စောမောင်ပိုင်တဲ့မကျည်းပင်ကြီးအောက်မှာပေါ့
လမိုက်ညရဲ့အမှောင်ထုမှာ ကြယ်လေးတစ်ချို့မှလွဲ၍
ပိန်းပိတ်အောင်မှောင်နေတဲ့အချိန်ချစ်သူနှစ်ဦးရဲ့
တီတီတာဆိုစကားတွေစတင်ပြောဆိုကြပြီပေါ့
ထွေးအောင်))ညိုလေးအရမ်းချစ်တယ်ကွာ
ညိုလေးနွယ်))ညိုလေးလည်းကိုထွေးကိုအရမ်းချစ်တယ်
ကိုထွေးညိုလေးကိုခွဲမသွားရဘူးနော်အမြဲတမ်းအတွက်
ကိုထွေးအသက်ရှင်နေသမျှကာလပက်လုံးညိုလေးကို
အစစအရာရာာဂရုစိုက်ရမယ်...
ထွေးအောင်))စိတ်ချပါညိုလေးရယ်ကိုယ်တို့အမြန်ဆုံး
နီးစပ်ဖို့ကြိုးစားကြမယ်...
ညိုလေးနွယ်))ကိုထွေးကိုပြောစရာရှိသေးတယ်ခွင့်တောင်း
တယ်လို့ပြောလဲရတာပေါ့...
ထွေးအောင်))ပြောလေညိုလေးရဲ့ ဘာမဆိုခွင့်ပြုဖို့အဆင်သင့်ပဲ..
ညိုလေးနွယ်))သူ့အတွက် ဆွမ်းသွတ်ပြီးတော့အမျှအတန်း
ပေးချင်သေးတယ်ဘဝကူးကောင်းပြီးညိုလေးလည်း
စိတ်သန့်သန့်နဲ့ကိုထွေးတို့လက်ထပ်လို့ရတာပေါ့...
ထိုအချိန်မှာပဲ...
"တောက်"...
…အမလေး...ဘယ်ကအသံလဲ တောက်ခေါက်သံကြီးက
ကြက်သီးထစရာကောင်းလိုက်တာ..
ဘာပြောကြတယ်...နင်တို့လက်ထပ်မယ်ဟုတ်လား
နွယ် နင်ကတိမတည်တော့ဘူးလားဟိတ်လူခင်ဗျားကိုလည်း
ကျုပ်အကြိမ်ကြိမ်သတိပေးတောင်းဆိုထားတဲ့ကြားက
ရှေဆက်တိုးကြမယ်ပေါ့ဟုတ်လား ပြောကြစမ်း...
နင်တို့လက်ထပ်ရဲလက်ထပ်ကြည့်ငါ့အကြောင်းသိစေရမယ်
ထွေးအောင်)) ညိုလေးသွားကြမယ်..ဒီမှာကြာကြာနေလို့
အဆင်မပြေဘူးမိုးသော်ကိုဓါက်မီးနဲ့အချက်ပြလိုက်တယ်
မိုးသော်))ပြန်ကြတော့မှာလားစောကြီးရှိသေးတယ်
ထွေးအောင်))ပြီးမှငါရှင်းပြမယ်လာသွားကြအောင်..
______________________
မိုးသော်))ဘာရယ် တကယ်ကြီးလားဒါဆိုစောမောင်က
အဲ့ဒီမကျည်းပင်မှာပဲရှိနေတာဖြစ်မယ်ဒါပေမယ့်အရင့်အရင်
ဘယ်သူ့မှမခြောက်လှန့်ဖူးပါဘူးအခုမှဘယ်လိုဖြစ်ရတာပါလိမ့်
ပိုဆိုးလာရင်တော့ခက်တော့မယ် ဝါကလည်းကျွတ်တော့မယ်
မင်းတို့အခြေအနေအတွက်ဘယ်လိုလုပ်ကြမလဲ
ပရလောကနားလည်တဲ့သူနဲ့တိုင်ပင်ပြီးစီစဉ်စရာရှိတာ
ကြိုတင်စီစဉ်ပြင်ဆင်ကြရအောင်....
_________________________________
ဦးကြီးအောင်ကိုမေးရဦးမယ် ပရလောကနဲ့ပက်သက်ပြီး
နားလည်တတ်ကျွမ်းတဲ့ဆရာတွေအသိထဲမှာရှိဘူးလား
ဦးကြီးအောင်))ရှိတယ်လေကွာ ဟိုဘက်ရွာကဆရာ
တင်မောင် ဆိုတာနယ်နယ်ရရမဟုတ်ဖူးငါ့တူဒီနယ်မှာတော့
သူ့ထက်တော်တဲ့သူမရှိသလောက်ပဲ...ဒါနဲ့ငါ့တူကဘာလို့
ပရလောကဆရာကိုမေးတာလဲ..ဘာဖြစ်လို့လဲ..
ထွေးအောင်))ဘာဖြစ်ပါဘူးစိတ်ဝင်စားလို့ပါပရလောကကို
လေ့လာချင်လို့ပါ...
ပြီးပြီးရောဖြေခဲ့ပြီးတော့ မိုးသော်နဲ့ထွေးအောင်ပရလောက
အကြောင်းနားလည်တယ်ဆိုတဲ့ ဆရာတင်မောင်ရှိတဲ့ရွာသို့
နှစ်ယောက်သားဆိုင်ကယ်လေးနဲ့အပြေးနှင်ခဲ့ပါတော့တယ်
______________________
စုံစမ်းမေးမြန်းရင်းနဲ့ဆရာတင်မောင်အိမ်ကိုရောက်ခဲ့ပြီပေါ့
မိုးသော်))အိမ်ရှင်တို့ အိမ်ရှင်တို့...
အေး ဘယ်သူတွေလဲ လာလေကွယ်...
ကျနော်တို့က (---) ရွာကပါ ဆရာတင်မောင်နဲ့တွေ့ချင်လို့ပါ
ဆရာရှိပါသလားခင်ဗျာ့...
အေးကွဲ့ရှိတယ်ငါ့တူတို့ရေသူ့တပည့်တွေကလာကန်
တော့နေလို့ကန်တော့ခံနေတာပြောထားပေးမယ်လေ
ဒီကပဲစောင့်နေခဏနေထွက်လာလိမ့်မယ်...
ထွေးအောင်))ဟုတ်ကဲ့ခင်ဗျာ့ ကျေးဇူးတင်ပါတယ်..
________________________
ဆရာ))ဆရာနဲ့တွေ့ချင်တာဘာကိစ္စတုန်းငါ့တူတို့ရ
ထွေးအောင်))အဖြစ်အပျက်ကဒီလိုပါဆရာ
(စာဖတ်သူတို့သိပြီးသားအကြောင်းအရာ)
ဆရာ))သံယောဇဉ်တယ်ကြီးကြသကိုးကွ ဆရာကူညီ
နိုင်ပါတယ်ဒါပေမယ့်မင်းတို့ဇာတ်လမ်းဆရာကလူကြမ်း
လုပ်ရမယ့်အဖြစ်ပါလားကွ ဆရာကုပေးဖူးတာတော်တော်
များများကလူကိုဒုက္ခပေးတဲ့သူတွေအခုဟာကနည်းနည်း
ဆန်းကျယ်နေသလိုပဲကွ...
ဆရာ))သံယောဇဉ်တယ်ကြီးကြသကိုးကွ ဆရာကူညီ
နိုင်ပါတယ်ဒါပေမယ့်မင်းတို့ဇာတ်လမ်းဆရာကလူကြမ်း
လုပ်ရမယ့်အဖြစ်ပါလားကွ ဆရာကုပေးဖူးတာတော်တော်
များများကလူကိုဒုက္ခပေးတဲ့သူတွေအခုဟာကနည်းနည်း
ဆန်းကျယ်နေသလိုပဲကွ...
မိုးသော်))ဟုတ်ပါ့ဆရာရယ် ကျနော့်သူငယ်ချင်းကြီးမလဲ
ဒီလိုကံကြမ္မာနဲ့ကြုံနေရတဲ့မိန်းကလေးနဲ့မှပက်သက်မိလျက်
သားကဖြစ်နေတယ် ကူညီပါဆရာရယ် အသက်အန္တရာယ်
တွေကြုံလာနိုင်လားဆရာ စိုးရိမ်လို့ပါ...
ဆရာ))ကဲပါမနက်ဖြန်ပဲ ဆရာမင်းတို့ရွာကိုလာခဲ့မယ်
သူတို့သံယောဇဉ်အပေါ်မူတည်ပြီးကြမ်းသင့်ကြမ်း
ချော့သင့်ချော့ပြီးတော့စီစဉ်ရမှာပေါ့...
ထွေးအောင်))ဟုတ်ကဲ့ပါဆရာလာဖြစ်အောင်တော့လာခဲ့ပါ
ဆရာရယ်နော်...
ဆရာ))စိတ်ချလက်ချသာပြန်ပါ လာခဲ့ပါ့မယ်..
______________________
အိမ်မက်မှာပဲ ဝင်ရောက်ပြောဆိုခွင့်ရတဲ့ စောမောင်
တစ္ဆေ သူ့ပိုင်နက်မှာပဲ ကိုယ်ယောင်ပြခွင့်ရတဲ့စောမောင်
တစ္ဆေမှာသူ့ပိုင်နက်ဆီမလာတော့တဲ့ နွယ် နဲ့ ထွေးအောင်
တို့ဆီကိုညအချိန်အိမ်မက်ကိုအားပြုပြီးတော့သူပြောချင်တဲ့
အကြောင်းသူဖြစ်ချင်တဲ့ နွယ် နဲ့ မဝေးချင်ဘူးဆိုတာတွေပဲ
ထပ်ကာထပ်ခါပြောလို့ ထွေးအောင်နဲ့ညိုလေးနွယ်တို့ကို
ဒေါသနဲ့ရော တောင်းပန်မူ့နဲ့ပါပြောဆိုနေမိပြန်ပြီပေါ့..
ကွင်းပိုင်))
စောမောင်...နင်ဒုက္ခရောက်တော့မယ် နောက်ထပ်သူတို့ဆီကို
ထပ်မသွားနဲ့တော့ တကယ်တော့ နင်ကဒုက္ခကိုရှာနေလို့ပါ
ဘဝသစ်ကိုကူးလို့ရရဲ့သားနဲ့ ဘဝဟောင်းကိုတမ်းတစိတ်ကို
မထိန်းနိုင်လို့အခုလိုဖြစ်နေတာ လူ့ဘဝမှာရှိနေတဲ့နင့်ရဲ့
နွယ် ကိုတကယ်ချစ်တယ်ဆိုရင် သူ့ဘဝပိုကောင်းတဲ့
ပျော်ရွှင်မူ့တွေရဖို့ဖန်တီးနေတာ နင်မတားဆီးသင့်ဘူး
အခုသူတို့ကဆရာတစ်ပါးနဲ့ နင်တို့သံယောဇဉ်ကိုဖျက်ဖို့
လုပ်တော့မယ် နင့်အတွက်နဲ့ ညိုလေးနွယ် ရဲ့အသက်လည်း
ပါသွားနိုင်သလိုနင်လည်းခေါင်းမာနေရင်ဘဝကူးကောင်း
နိုင်ဖို့မလွယ်ဘူး...သတိသာထားနေတော့စောမောင်ရေ..
_____________________________
ဒီလိုနဲ့ဆရာရောက်လာပြီပေါ့....
ကဲကဲမောင်ရင်တို့လူစုံပြီလားတစ္ဆေဝိညာဉ်နဲ့သက်ဆိုင်တဲ့
သူအပြင်အပိုလူတစ်ယောက်လဲလိုဦးမယ်နော်...
ထွေးအောင်))အခုကိစ္စကလူသိခံလို့ကောင်းတဲ့အရာ
မဟုတ်သလိုကျနော့်မိဘတွေသိရင်လည်းအခုလိုကိစ္စတွေ
လုပ်ပြီးမှမိန်းမတစ်ယောက်ကိုယူရသလားဆိုတဲ့အမြင်တွေ
ကိန်းအောင်းမှာစိုးရတယ်...
မိုးသော်))ကဲပါဆရာနဲ့ထွေးအောင် ဒီလိုဆိုရင်လည်း
ညိုလေးနွယ်ရယ် ထွေးအောင်ရယ် ကျနော်ရယ်သုံးယောက်
ဆိုလုံလောက်ပါပြီဘယ်သူမှလည်းသိစရာမလိုတော့ဘူးပေါ့
ညိုလေးနွယ်))လူပိုတစ်ယောက်ဆိုတာကဟိုလေဆရာ
တစ္ဆေကိုဝင်ပူးခိုင်းပြီးစကားပြောခိုင်းဖို့လာဆရာ
ဆရာ))ငါ့တူမကတယ်တော်ပါလားသိပ်ဟုတ်တာပေါ့ကွယ်
တစ္ဆေအဖြစ်နဲ့ပြောလို့မှမလွယ်ကူတာကိုးအဲ့ဒီတော့လူ
တစ်ယောက်ကိုဝင်ပူးပြီးပြောခိုင်းမှရမှာပေါ့ကွယ်..
___________________________
ကိုင်း...နယ်ပိုင် ကွင်းပိုင် ရွာပိုင်များ တစ္ဆေစောမောင်ကို
အခုချက်ချင်းငါဆရာရှေ့မှောက်အရောက်ပို့လို့ဟောဒီက
မောင်မိုးသော်ကိုယ်ခန္ဒာမှာဝင်ပူးပြီးသူဖြစ်ချင်တာအရင်
ပြောစေ...
မိုးသော်တုန်ုတုန်ရင်ရင်ဖြစ်လာတယ်..မျက်လုံးအိမ်မှာ
မျက်ရည်တွေသွင်သွင်စီးလို့..ငိုယိုပြီးတော့ ညိုလေးနွယ်ကို
စိုက်ကြည့်နေတယ် သူ့အကြည့်မှာစိုးရိမ်မူ့စိတ်မချခြင်း
ထွေးအောင်ရင်ခွင်မှာခိုဝင်မှာမလိုလားတဲ့ မနာလိုမူ့
သဝန်တိုခြင်းတွေပြည့်နှက်စွာနဲ့ ဖွင့်ဟလာတဲ့စကားက
စောမောင်))နွယ် နင်သိပ်ရက်စက်တယ်ဟာငါ့မှာတော့နင့်ကို
ချစ်လိုက်ရတာမိန်းမတွေရှိရှိသမျှထဲမှာနင်ကလွဲပြီး
ကျန်တဲ့သူဆိုစိတ်ကူးတောင်မယဉ်ခဲ့ဖူးဘူး
နင်ကတော့ငါလူ့ဘဝမှာမရှိတော့ဘူးဆိုတာနဲ့ပဲအချစ်သစ်နဲ့
ငါတို့ထားခဲ့ဖူးတဲ့ ကတိတစ်ခုကိုလျစ်လျူရှု့ပြီးတော့
နောက်ကွယ်မှာသစ္စာမဲ့တော့မယ်ပေါ့လေ..
ငါဒီလိုဘဝကကျွတ်လွတ်နိုင်ပါလျက်နဲ့နင်လာမယ့်လမ်း
ငါတမ်းတရင်းစောင့်မျော်နေခဲ့တာအထီးကျန်တဲ့ခံစားမူ့တွေ
ဖြေသိမ့်ရင်းမျော်လင့်နေခဲ့တာ...အခုတော့ဟာ..
_________________________
ညိုလေးနွယ် ဘာလုပ်သင့်သလဲဆိုတဲ့ဆုံးဖြတ်ချက်ကို
သေချာချမှတ်လိုက်ပါတော့တယ်..တမလွန်ကနေတောင်
သူ့ကိုစောင့်မျော်ရှာတဲ့ အချစ်ဦး အကိုစောမောင်ကို
သစ္စာမဲ့သလိုဖြစ်သွားတဲ့အတွက်နောင်တတစ်ခုရသလို
ခံစားမိသွားတယ် ကိုထွေးကိုကြည့်လိုက်တော့လည်း
အသနားခံတဲ့မျက်နှာလေးက ညိုလေးကသူ့ကမ္ဘာတစ်ခုလို
တောင့်တနေတဲ့ဟန်ဝေခွဲမရခြင်းတွေဝေမူ့တွေကိုအဆုံး
သက်ချိန်တန်ပြီဆိုပြီးအားတင်းရင်းနဲ့ညိုလေးနွယ်နှုတ်ဖျားမှ
တစ်လုံးခြင်း ထွက်ကျလာတဲ့စကားက....
ညိုလေးနွယ်))အကိုစောမောင် ထားခဲ့ဖူးတဲ့ကတိကို
မေ့လိုက်ပါတော့ သံသရာဆိုတဲ့ ဝဲဂရက်မှာကျင်လည်နေတဲ့
လူ့ဘဝခဏလေးမှာဆုံတွေ့စဉ်ရူးသွပ်ခဲ့တဲ့သစ္စာစကားလို့ပဲ
စိတ်ထဲမှာမှတ်လိုက်ပါတော့ အခုလိုပြောတာက နွယ့်ဘက်က
သစ္စာဖျက်မယ်ပြောတာမဟုတ်ပါဘူး နောက်ဘဝဘာဖြစ်မယ်
ဆိုတာမသိပဲ ကတိထားမိတာကို အခုလိုမျက်နှာချင်းဆိုင်
ရှင်းခွင့်ရတုန်းရှင်းလိုက်ချင်လို့ပြောတာပါ ကံမကုန်လို့
တကယ်ပဲပြန်ဆုံချင်ဆုံနိုင်ပေမယ့်အခုလိုမျိုးတစ်ဘဝစီ
ခြားနေရပြီးခံစားရတာမျိုးမဖြစ်စေချင်တော့လို့ပါ
ကိုထွေးကိုလည်းတောင်းပန်ပါတယ်အားလုံးရှေ့မှာပဲ
ညိုလေးပြောပါရစေ ကိုထွေးကိုချစ်ခဲ့တာအစားထိုးချစ်သူ
သဘောမျိုးမဟုတ်သလို အကိုစောမောင်ကိုချစ်ခဲ့တာကလည်း
သက်ဆုံးတိုင်တူတူသစ္စာထားပြီးချစ်တဲ့အချစ်မျိုးနဲ့
ချစ်ခဲ့တာပါ ဒီဘဝရဲ့ဝဋ်ကျွေးကိုနောင်သံသရာအထိ
ယူမသွားချင်တော့ဘူးအခုအချိန်မှာကိုထွေးကိုလက်ထပ်
လိုက်မယ်ဆိုရင် အကိုစောမောင် အငြိုးအတေးတွေနဲ့
ဘယ်တော့မှ ဘဝကူးနိုင်မှာမဟုတ်တော့သလို
လက်မထပ်ဖူးဆိုရင်လည်းကိုထွေးအတွက်ရင်တွင်းဒဏ်ရာ
ရမှာသေချာပါတယ် ဒါပေမယ့် ကိုထွေးမှာကသံသရာ
ကြွေးပါစရာဘာမှရှိမထားဘူးလေ အကိုစောမောင်က
နောက်ဘဝကူးဖို့သံသရာတစ်ပက်လည်ဖို့စောင့်နေရသူ
အဲ့ဒီတော့ ကိုထွေးနားလည်ပေးပါလို့ပဲတောင်းဆိုပါရစေ
အကိုစောမောင်လည်းကျေနပ်စွာနားလည်ပေးပြီးတော့
နောက်ဘဝတစ်ခုကိုကူးပြောင်းလိုက်ပါ ကတိတစ်ခုရဲ့
နောက်ကွယ်မှာမမြင်နိုင်တဲ့ကံတရားကရှိနေတော့
ကတိသစ္စာတွေ ငြိမ်းအေးကြည်ဖြူစွာပဲဖြတ်သန်းပါရစေ
ကိုထွေး))ကောင်းပါပြီ ညိုလေးရယ် ကိုထွေးနားလည်
လိုက်ပါပြီ...ညီမအတွက်သံသရာကြွေးဆပ်ဖို့အချိန်ရှိတုန်း
ကျေအောင်ဆပ်ပြီးတော့ ဘဝဆက်တိုင်းကတိသစ္စာဆိုတဲ့
အချုပ်အနှောင်တွေကင်းစင်လို့ရှင်သန်ရာဘဝတိုင်း
ရိုးရှင်းစွာဖြတ်သန်းသွားနိုင်ပါစေ...
စောမောင်))အကိုတို့မှားခဲ့ကြတာပါနွယ်ရယ်အခုတော့
အကိုလည်းသိလိုက်ပါပြီ ဆုံနိုင်ခွင့်ဆိုတာသူ့ကံကိုယ့်ကံ
ကံကြမ္မာနှစ်ခုထပ်ကျမှသာဖြစ်နိုင်တာဆိုတာကိုပေါ့
အကိုတို့သစ္စာတွေကတိတွေမရှိတော့ဘူးပဲထားလိုက်ပါ
ညိုလေးနွယ်)) ညိုလေးလည်း နောက်နေ့ကစပြီးတော့
အပြီးအပိုင်ပဲ လူ့ဘောင်ကိုစွန့်ခွာပြီးတော့ သီလရှင်
ဝတ်ပါတော့မယ် သံသရာဘယ်လောက်ပဲလည်လည်
ဆုံခွင့်ကြုံရင်ဆုံကြရမယ် ....အကိုစောမောင်အတွက်
ဆွမ်းသွတ်ပြီးအမျှဝေပေးပါ့မယ် သာဓုခေါ်ဖြစ်အောင်
ခေါ်ပါနော်.....
အချစ်နဲ့ပက်သက်လို့
ဘဝဆက်တိုင်းဆိုတဲ့ ကတိတွေက
ဘယ်ဘဝမှာဘာဖြစ်မယ်ဆိုတာကို
ဘယ်သူမှမသိနိုင်ကြဘူးလေ
သက်ဆုံးတိုင်တူယှဉ်တွဲဖို့ဆိုတာကလည်း
ဘယ်သူကဘယ်ဘဝကလာပြီး
ဘယ်၍ဘယ်မျှပေါင်းဖက်ရမလဲဘယ်သူမှ
သိနိုင်တာမှမဟုတ်တာအဲ့ဒီတော့လေ
ဆုတောင်းမမှား သစ္စာထားမိတာမှန်သမျှ
သံသရာမဆုံးခင်အပြီးသက်ရှင်းလင်းနိုင်ကြပါစေ
=========================-=====-
ဇာတ်သိမ်းလေးက
ဒီလိုဗျာ့...
ညိုလေးနွယ်ကသီလရှင်ဝတ်သွားသလို
စောမောင်လည်းညိုလေးနွယ်ပြုပေးတဲ့ကုသိုလ်
ကောင်းမူ့ကို သာဓုခေါ်ပြီးဘဝကူးသွားတယ်
ထွေးအောင်ကတော့ အချစ်ဆိုတာအနေနီးတာ
ဝေးတာနဲ့မဆိုင်ကိုယ့်ဘက်ကချစ်တတ်နေဖို့သာ
အဓိကဆိုတဲ့စိတ်နဲ့တစ်သက်လုံးညိုလေးနွယ်အပေါ်
ခွင့်လွတ်ခြင်းများစွာနဲ့ချစ်ပြီး သေတဲ့အထိအဝေးကနေပဲလူပျိုကြီးဘဝနဲ့
ချစ်သွားရှာပါတော့တယ်.....
===================================
ဖြစ်ရပ်မှန်ကို ကျောရိုးထားပြီးတော့
ဇာတ်လမ်းအဖြစ် ခံစားတင်ပြလိုက်ပါသည်..
Credit - ဒဏ်ရ
ကွမ်တန်း မင်းရာဇာ
No comments:
Post a Comment